13 студзеня адбылося фальклорнае свята “Шчодры вечар” ці як яго інакш называюць “Шчадрэц”, “Шчадруха”.
Мэта свята: выхоўваць дзяцей на лепшых традыцыях народнай творчасці, далучаць іх да духоўных каштоўнасцей народнай культуры.
Дзеці і дарослыя пачалі свята з калядных песняў і танцаў. Цыганка наваражылы нашым выхаванцам шмат здароўя, весялосці, многа цікавых заняткаў і гульняў у наступным годзе. Хітрая каза легла на падлогу і не падымалася, пакуль яе не пачаставалі гасцінцамі.
Напрыканцы дзеці ўсім гуртам плясалі пад беларускую песню “Калядачкі”, а потым разам з выхавальнікамі пайшлі шчадраваць адзін да аднаго.
Свята падаравала ўсім многа выдатных эмоцый і уражанняў.
